“ევერტონი” მცველ ჯონ სტოუნზის ტრანსფერის თაობაზე “ჩელსის” მორიგ შეთავაზებაზე უარს იტყვის.

უახლოეს მომავალში ლონდონური ლუბი 21 წლის ფეხბურთელის სანაცვლოდ 30 მლნ ფუნტის შეთავაზებას აპირებს, მაგრამ მერსისაიდლები უარით უპასუხებენ, იუწყება ESPN სიტუაციის მცოდნე წყაროზე დაყრდნობით.

აღსანიშნავია, რომ “ევერტონი” ელოდება, როდის გააკეთებს “ჩელსი” ისეთ შეთავაზებას, რომელზე უარის თქმაც რთული იქნება. ადრე “ირისებმა” უკვე თქვეს უარი “ლურჯების” 2 შეთავაზებაზე სტოუნზის ტრანსფერის შესახებ: 20 და 26 მლნ ფუნტიანზე.