“მანჩესტერ სიტი” “მანჩესტერ იუნაიტედს” კატალონიის “ბარსელონას” შემტევისთვის პედრო როდრიგესისთვის ბრძოლაში კონკურენციას გაუწევს. ფაქტობრივად გადაწყვეტილი ჩანდა, რომ პედრო უკვე წითელი ეშმაკია, მაგრამ რა გასაკვირია და სადაც იუნაიტედი აქტიურობს ხოლმე, იქ ყოველთვის სიტი ჩნდება. ადრე ესპანურ პრესაში გავრცელდა ინფორმაცია, რომ “წითელმა ეშმაკებმა” 28 წლის ფეხბურთელის ტრანსფერი უკვე შეათანხმეს და ისინი პედროს სანაცვლოდ 30 მილიონ ევროს გადაიხდიან.
Marca წერს, რომ “სიტი” პედროს სანაცვლოდ შეთავაზებას მანამ გააკეთებს, სანამ ესპანელი ფეხბურთელი “იუნაიტედში” გადავა. არსებობს იმის შანსი, რომ “ქალაქელებმა” პედროს გადმობირება მოახერხონ, მაგრამ ბოლო სიტყვა თავად ფეხბურთელზეა... გადაწყვეტილებას პედრო მიიღებს.
