ჯიმი ტაბიძე ბელგიურ “გენტში” ჩაირიცხა. ამის შესახებ "ლოკომოტივის" პრეს-ატაშემ ისაუბრა.კახა მგელაძემ თქვა, რომ 19 წლის ფეხბურთელმა ბელგიურ კლუბში სამედიცინო შემოწმება გაიარა და მისი “გენტში” გადასვლის საკითხიც ოფიციალურად გადაწყდა. ცნობისთვის, ჯიმისთან ერთად, ბელგიაში “საბურთალოს” გენერალური დირექტორი კახა ჭუმბურიძეც იმყოფებოდა. აქამდე ჯიმი ტაბიძე ინგლისის პრემიერლიგის "ლივერპულში" ისინჯებოდა, თუმც როგორც ვხედავთ ამჟამად ქართველი მცველი ბელგიის ჩემპიონში გადავიდა.